बे हरा जोबोद गोलाव

गिर्जाब गिर्जाब गराय दाब्रायनायनि थाल
ग्रुम ग्रुम हा दोबैनायनि गुथाल
खोमसि फैसालि नैबे उन्दुनायाव
आंनि खोमायाव रिँफैदोँ बालाबगासे
.
सोर लाबोगोन गोदान फैसालि बेखेवना
सानजानि जारौ सान गोरलै
बैराथि मोसानाय बेमफाथिजोँ
हिनजाव गोदान बरायना लाबोनायबादि
.
जोँ गासैबो हास्थायनाय सान गोरलै
सान गोरलैनि सान्दुं सायनो
नंगौ जोँ बयबो थियारि
गगेरे गाबनायजोँ सोरांनि फर फर
.
नाथाय बे हरा जोबोद गोलाव
बयबो उसु-खुथु जेब्लाबो
हारायबांखोनि गले गले सिमां नुयो
मोसा लख्राफ्रा अदखार खालामफैयो
.
बे हरा माब्ला सोरांगोन?
गग्रा गिजिनि दाउज्ला बेह्राया
गोदो गोदो उन्दुना दं नामा?
ना सियाल लानानै थांबाय नामा?
.
सिरि सिरि खौरां लायो आं
गामिनि हालमाजिया सिलायाव मोनफैगोन
उदांस्रिनि राजा लामायाव हांख्रायना
लामा नायबाय थायो आं सान गोरलै

by Ronjoy Brahma

Comments (0)

There is no comment submitted by members.