खोमसि हराव आं

हरा जोबोद खोमसि ।
हरा जोबोद खोमसि ।
आं थाबायदोँ लामायाव
साना बारग'लांबायमोन अब्ला
फासिनि दौलेँनिफ्राय गोजानाव,
आं सान्नो हायाखै
समा बारग' लांथारबाय ।
खोमसि हरा आंजोँ लोगोआव
आं मिथिमोनाखै
मादि बुंगोन आं
सिरि स्राय जेरैबो,
आरो खोमसिनि देँखो बोगिरि
एम्फौफ्रा उन्दुहाब्बाय।
बिसोरहाबो सम दङ
गोनांथार;
आरोबाव बे हराव
आं बबेयाव थांगोन
जेरैबो खोमसि
सिरि सिरि स्राय,
आं मिथिया,
मादि बुंगोन आं
सोरांआ फैफिनगोन
खोमसिया खारलांगोन
हरा गोमोरलांगोन
सोरां फुंआ फैफिनथारगोन ।

by Ronjoy Brahma

Comments (0)

There is no comment submitted by members.