बबे जोनोमनि बेसेना

नंखायनि थाखाय सोरबा घोरोमिया
खुगाजोँ सोरखौबा
साव होयो।
दायनि थाखाय सोरबा घोनिया
सोरखौबा आखायजोँ
साजा होयो।
बेयोकि मानसिनि मोनसे गियान?
एबा जोनोम जोनोम सुबुंनि घोरोम?
घोरोमनि बोसोन जाया फालिया
नरकआव गोग्लैनाय बिनि जाहोना।
घोरोमनि बोसोन सोर फालिदोँ-
जाम्बाया ना सियाना?
बबाया ना खानाया?
सादुआ ना सिखावआ?
राजाया ना फोर्जाया?
गुरुआ ना सोलोँसाया?
सोरनियाव दं गियाना-
गुरुनाव ना सोलोँसानियाव?
जाम्बानाव ना सियाननियाव?
नाथाय बयबो समान
बयबो जिउ महर मोनसे
बेयो माब्रै जानो हायो?
सोलेर लानानै जिउ जादोँब्ला
सोलेरखौ अनसायनायाबो मोनसे जिउ घोरोम,
देहा सोलेरखौ मान होनांगोन
देहा सोलेरानो जोँनि घोनब्ला,
देहा सोलेरखौ अनसाय नांगोन
देहा सोलेराबो बेसेन दंब्ला,
अब्ला जागोन घोरोम गोथार
साननाय होननाय मोजां
जोनोमनि बेसेना बेनो जागोन।

by Ronjoy Brahma

Comments (0)

There is no comment submitted by members.