A Man's A Man For A' That

Is there for honesty poverty
That hings his head, an' a' that;
The coward slave - we pass him by,
We dare be poor for a' that!
For a' that, an' a' that,
Our toils obscure an' a' that,
The rank is but the guinea's stamp,
The man's the gowd for a' that.

What though on hamely fare we dine,
Wear hoddin grey, an' a' that?
Gie fools their silks, and knaves their wine,
A man's a man for a' that.
For a' that, an' a' that,
Their tinsel show, an' a' that,
The honest man, tho' e'er sae poor,
Is king o' men for a' that.

Ye see yon birkie ca'd a lord,
Wha struts, an' stares, an' a' that;
Tho' hundreds worship at his word,
He's but a coof for a' that.
For a' that, an' a' that,
His ribband, star, an' a' that,
The man o' independent mind
He looks an' laughs at a' that.

A price can mak a belted knight,
A marquise, duke, an' a' that;
But an honest man's aboon his might,
Gude faith, he maunna fa' that!
For a' that, an' a' that,
Their dignities an' a' that,
The pith o' sense, an' pride o' worth,
Are higher rank than a' that.

Then let us pray that come it may,
(As come it will for a' that,)
That Sense and Worth, o'er a' the earth,
Shall bear the gree, an' a' that.
For a' that, an' a' that,
That man to man, the world o'er,
Shall brithers be for a' that.

by Robert Burns

Other poems of BURNS (511)

Comments (20)

Congrats
No matter your status or your wealth when we go before our maker we are all equals. Our world could be so much better if we let a little Burns into out lives.
Love the writings of Robert Burns...and have since High school Linda Smith
Beautiful poem with rendition of words to utmost justice.
There is a very important line missing from the last verse as published here. If you look carefully you will see the last verse only has 7 lines instead of 8. The missing line comes after For a' that... and should read It's coming yet, for a' that, . Burns was an international socialist centuries ahead of his time, he fervently believed that all men are born equal, and many Scots share that sentiment with him.
See More