Ab Ye Mohabbat Humse Fir Na Hogi

ab ye mohabbat humse fir na hogi
ab kisi ke lie zamane se bagawat humse fir na hogi

na fir se dekhi jaegi raah kisi ke lie
na fir se jagenge armaan in aankhon me kisi ke lie
na ab soengi ye aankhe sirf kisi ke khwab ke lie
Ab kisi gair ke lie, in nigaaho me chahat na hogi.
Ki ab pehle si chahat humse fir na hogi.

Ajeeb hain ishq bhi
Har waqt labo pe mulaqat ki duaein rehti hai.
Mehboob ki ek jhalak pane ko dil me iltza rehti hai.
Hath uthte hai to sirf yaar ki salamati ke lie
Aur Mehboob me hi Rab ki soorat dikhti hai.
Ab ye duaein, iltzaein na mere kabhi labo pe hongi.
Ab ye mohabbat ki ibadat humse fir na hogi.

Tumko Mubarak ho tumhari nayi duniya
Humko bhi koi gila nahi apne iss badle hue jahan se
Tum to pehle hi ja chuke jindgi se meri
aur ab tumhari duniya me bhi mere kadmo ki aahat tak na hogi

Ki Hume Ab ye mohabbat fir se na hogi.

by DEEPTI MISHRA

Comments (0)

There is no comment submitted by members.