PJ ( / )

Abhi Abhi

Abhi abhi roshni ki aahat hui hai,
mamta ne bhi karvat li hai,
jakhmo ki salvatein bhi bhari hui hai,
girti boondo ne abhi abhi koi mahak li hai.
Abhi abhi dhoop me shaam ka ujala hai,
meri aankhon ka chera bhi niraala hai,
sajdon ne taajion ki mannat li hai,
ludhakti oos ne abhi abhi koi rahat li hai.
Abhi abhi koi dil ka garibkhana gujra hai,
lagta hai iss shaam me koi naya savera hai,
waqt ki ghadiyan ab sudharne lagi hai,
meri smratiyan bhi abhi abhi savarne lagi hai.
Abhi abhi berang safar me naya naya rang bhara hai,
jo daraata hai, aaj na jaane kyun wahi dara hai,
mere jism ki law jalne lagi hai,
abhi abhi uski aag sulagne lagi hai.
Abhi abhi samandar ki laheren uthi hai,
shayad koi dulhan fir se saji hai,
lagta hai tere hoothon par zindgi jami hai,
rab ne bhi abhi abhi koi harkat ki hai.
Abhi abhi nisha ki sajaavat hui hai,
dhulne wali zameen ab khishakne lagi hai,
mere nagmon ki maahi, aaj sisakne lagi hai,
andhere k armaanon ko bhi abhi abhi thokar lagi hai.
Abhi abhi kilkaariyan khushi k pal samajhne lagi hai,
man simri ka thumkaa, lagta hai roomani hone laga hai,
jab dekh apni aankhon se aulaad ko,
shayad abhi abhi roshni bhi aahat samajhne lagi hai...

User Rating: 5 / 5 ( 0 votes )

Other poems of JINDAL (8)

Maya Angelou

Caged Bird

Comments (0)

There is no comment submitted by members.