Accha Lagta Hai..

Teri judai me nikle aasuon ko bana ke moti,
fir teri yaadon ke dhaage me unko piro ke, yun apne dil ke kareeb rakhna,
Accha lagta hai.

Tumhe aksar aitraz rehta hai, mujhe apne seene se lagane me
Islie Tere kapdon me lipat ke teri khushboo me sama jana
Accha lagta hai.

Ek waqt tha,
jab tum mera hath thamne ko, bechain se rehte the,
aaj hai ki wo bechaini, mujhe hasil hai.
Ye waqt -waqt ki baat hai mehez,
Me tere safar me hu sukar hai,
Mujhe to tere sang, bina hath thame bhi, Chalna accha lagta hai.

Jo thi tamannae wo kahin yun hi dabi reh gai,
Dil ki batein jo kehni thi tumse, unkahi reh gai
Ab afsos kya karna guzare hue waqt ka,
Ab jo tumse judi yadein hain, bus unhi sang rehna accha lagta hai.

Par pata nhi kyu aaj bhi tumse chhup kar tumko dekhna acha lagta hi.
Nazar milakar bhi nahi mila paana tumse.......jo beet gaya woh kissa lagta hai.


Suna hai tum aaj bhi mere naam se badnam ho
Kabhi kabhi aisi apni chahat pe guroor karna accha lagta hai.

by DEEPTI MISHRA

Comments (1)

Nice poem. It feels good. Pretty expressive, emotional. Keep writing. I might translate it into English someday. What is 'mehez' in English?