गोमायाखै खोमादोँसो- नै बिसोर

(आंनि मोनसे गोजाम सिमां)
मिनि खुसि सेजौ बोसोरै
आबौआ संसाराव थांना दंमोन,
नांगौ जानाय नांथारगौ बेसाद
संसारनि आइजेँ-आयलाखौ लानानै।
आबौआ दिनैसो थैबाय,
बांगाल-जुंगाल हार्साफोरनो
खावख्लाबसे बारिखौ आफाया फानबाय;
आबौखौ फबनो हा दखरसे
आफाया नागिरना मोनाखिसै।
लेर लेर औवानि दारहाया फुथुना
आबौखौ बाननो लांदोँ लावख्रि बारियाव,
जेराव मोसा लख्रा सैमा सियाल।
औवानि मरा आबौ हेबनाय
औवानि खफ्रि आबौ हमग्रा
आबौनि हेबनाय संग्राय-
सान्द्रि सान्दांगा खादा
जेखाय-खबाय सेन फल' खखा,
आबौ बानायनाय रासो
थार-जेन्थोर माखु दाङानाथा
आबौ जिरायग्रा खामफ्लाय बेरेन्सिखौ
लारि लारि रायजोफ्रा बान्ना लांदोँ-
आरो बिसोरो लांफाबावदोँ उवाल-
गायहेन नांगोल-जुंगाल
थोरसि-लथा, थौ साराय
गय फाथै जरासे
जौ बथल जरासे
बेदर खाजि थौसे
आरो गोबां बायदि बायदि।
आबौआलायनो जोबोद हंखा सोबोमोन
बुन्थाबो लांफादोँ सोरबा सोरबा-
थांखु आलुवा बिड़ि फेखेथसे।
गाबै गाबै रायजोफोरा थांदोँ-
आबौनि गोथै सोलेरनि उन उन
गासैबो आबौनि मुवाखौ लानानै,
सावगारगोन आबौजोँ लोगोसे
गासैखौबो हांगार खालामगोन।

by Ronjoy Brahma

Comments (3)

Anger only rebounds Holly put it down to expereince and move on. You meet many heartbreaks before you find the real thing or rather before love finds you
Don't be jolly, be Holly. Nice pist off poem...I hope to write more myself.
Holly Holly Holly try and be Jolly, I know it must be hard darling, come On Girl your the best F#$%^&*(the rest.Kiss HUG from dave angry diddle nice..: (Love dave xxx