TH (Still alive / )

Eid Mubarak

Aiy khudaa eid kaiy is din kow Mubarak kar daiy
Har dil-e-shaad maiN ahsaas-e-akhuwat bhar daiy
Har dukhee dil kow khila daiy aiy Khuda mananday gul
Har gham-e-zeest kaa rahmat saiy mudawa kar day
Daur-e-zulmat maiN ghree qaum-e-musalmaan paiy aaj
Phir usee azmat-o-Nusrat kee nawazish kar daiy
Phir usee Jazbaa-e deeN Jazbai-e eemaaN kow ujagar kar kaiy
Har mussalmaaN kaiy muqaddar kow munawwer kar daiy.
Aiy khudaa eid kaiy is din kow Mubarak kar daiy.
*********************
Duaa go: Tasadduq Hussain Ejaz

by Tasadduq Hussain

Comments (1)

Aameen ya rabbal Aalameen.. Har dukhee dil kow khila daiy aiy Khuda mananday gul Har gham-e-zeest kaa rahmat saiy mudawa kar day bahuth khoob dua bhi mubarak badi bhi..