Galus Boys Way Galus Suits

Galus bouys way galus suits
An shiney winkul-picker boots.
Way ties aw knottet roon our heeds
An every rustit bike a steed.

'Yall hing as ye grow, 'ma maw wid say,
'Ye filthy two-bit tearaway.
Git oot an work ye lazy git;
Yer da is gonna huv a fit.'

'Oot knockin apels, knickin bikes;
Smertin up, ye two-bit tikes'
She'd banter on, we'd hit the wids
An scare the shit oot aw the kids

The wrinklies, they wid gee us grief-
'We'll tell your mother, and the police! '
'Gee us peace.' we used te say,
En pan their windies anyway...

An noo it's just as weel um here,
Banged up, inside, weh crates o beer,
and aw the gin thit a cin sup
Wit punishmint fur bein a pup.

by Paul Murdoch

Comments (0)

There is no comment submitted by members.