Highland Mary

Ye banks, and braes, and streams around
The castle o' Montgomery,
Green be your woods, and fair your flowers,
Your waters never drumlie!
There Simmer first unfald her robes,
And there the langest tarry:
For there I took the last Fareweel
O' my sweet Highland Mary.

How sweetly bloom'd the gay, green birk,
How rich the hawthorn's blossom;
As underneath their fragrant shade,
I clasp'd her to my bosom!
The golden Hours, on angel wings,
Flew o'er me and my Dearie;
For dear to me as light and life
Was my sweet Highland Mary.

Wi' mony a vow, and lock'd embrace,
Our parting was fu' tender;
And pledging aft to meet again,
We tore oursels asunder:
But Oh, fell Death's untimely frost,
That nipt my Flower sae early!
Now green's the sod, and cauld's the clay,
That wraps my Highland Mary!

O pale, pale now, those rosy lips
I aft hae kiss'd sae fondly!
And clos'd for ay, the sparkling glance,
That dwalt on me sae kindly!
And mouldering now in silent dust,
That heart that lo'ed me dearly!
But still within my bosom's core
Shall live my Highland Mary.

by Robert Burns

Comments (3)

The green wood, waters, flowers, the wonderful imaginations for a poem is here. Nature's wonderland is created in this poem. Great.
The hand of wit that writ such verse Ope'd ay to catch such face! Those lips kissed sae fondly Dearie, Will forever kiss his Highland Mary.
Castle, green wood, waters and flowers are still there; but the poet's beloved has departed ago! That surely reminds of their love under the shade of fragrant flowers! Nature carries with it the love's happy days and immortalizes it forever like Robert Burns' poem on Highland Mary!