Ina (Tagalog Poem)

Hindi ka man isang pintor
Ng mga obra sa Roma
Pagmamahal mong wagas
Sa tahana'y ipinamalas

Sa kabila ng katalinuhan
Ang maging manunulat o makata
Ay hindi mo inasam
Manapa'y sa pamilya ipinaubaya

Ika'y dakila't uliran
Wala mang kakayanan sa pag-ukit ng bato
O paglilok ng tao
Daig mo pa ang iskultor

Sa paghubog sa aking katauhan.
At paggalang sa simbahan
Hindi ka nagkunwang santo o diyos-diyosang
Madaling gampanan

Ang iyong kabanalan
Ay pusong si Kristo
Ang nananahan
Biyaya sa aking mundo

Hindi ko kailangan sina Raphael
At Michaelangelo
Ikaw lang ang Madonna
Ng buhay ko

Ina.

by Catherine Agunat

Comments (5)

Ding dong drum dance. Big bright buddy Bance Sleep it over Beep it Rover Deep it lover.....very fine conception...... lovely work dear poet..... tony
Lovely work of art embellished in poetic rhyme and rhythm. Thanks for sharing Alison and do stay enriched.
Thank you for the comments guys
Easy to read and understand. I am happy to discover some poetic devices
Beautiful peace of art. Thank you for sharing