Poem Hunter
O Were My Love Yon Lilac Fair
(1759-1796 / Ayrshire / Scotland)

O Were My Love Yon Lilac Fair

O WERE my Love yon lilac fair,
   Wi' purple blossoms to the spring,
And I a bird to shelter there,
   When wearied on my little wing;
How I wad mourn when it was torn
   By autumn wild and winter rude!
But I wad sing on wanton wing
   When youthfu' May its bloom renew'd.

O gin my Love were yon red rose
   That grows upon the castle wa',
And I mysel a drap o' dew,
   Into her bonnie breast to fa';
O there, beyond expression blest,
   I'd feast on beauty a' the night;
Seal'd on her silk-saft faulds to rest,
   Till fley'd awa' by Phoebus' light.

User Rating: 2,7 / 5 ( 54 votes ) 1

Comments (1)

Brilliant, I have never heard of this one before, Burns at his romantic best!