IT was a' for our rightfu' King
by Robert Burns
We left fair Scotland's strand;
It was a' for our rightfu' King
We e'er saw Irish land,
We e'er saw Irish land.
Now a' is done that men can do,
And a' is done in vain;
My love and native land, farewell,
For I maun cross the main,
For I maun cross the main.
He turn'd him right and round about
Upon the Irish shore;
And gae his bridle-reins a shake,
With, Adieu for evermore,
With, Adieu for evermore!
The sodger frae the wars returns,
The sailor frae the main;
But I hae parted frae my love,
Never to meet again,
Never to meet again.
When day is gane, and night is come,
And a' folk bound to sleep,
I think on him that 's far awa',
The lee-lang night, and weep,
The lee-lang night, and weep.