Verse-8

wave-3-dr.k.g.balakrishnan kandangath- 29-4-2014-Darwin.


wave-3- 29-4-2014

കോലം - ഡോ കെ ജി ബാലകൃഷ്ണൻ
=================================
ഓരിലക്കനവായും
പൂനിലാച്ചുരുളായും
നേരിന് കിരണമായ്
ഉണരും മൊഴിവായും
വീണയിൽ വിരൽത്തുമ്പിൻ
പ്രേമമന്ത്രണമായും
വേണുവിൽ, ചൊടിച്ചോപ്പിൻ
രാഗചുംബനമായും,
വാനനീലിമ നീട്ടും
പൊരുളിൻ സുതാര്യമാം
ഗാനമാധുരിയായു-
മുണ്മതൻ കനിവായും!
നിർന്നിമേഷമേ, നിത്യ-
സത്യമേ, നീയെന്മുന്നി-
ലുർവിയായുണരുന്നു;
ഭാതമായ് സംഭൂതമായ്!

പിന്നെയും കാലത്തേരി-
ന്നുരുളായുരുളുന്നു;
ചിന്മയം നിതാന്തമായ്
ചോദനമരുളുന്നു!

രാപ്പകലുകൾ തീർപ്പ-

തേത് മാന്ത്രികൻ താനാം?
കോപ്പ് കൂട്ടുവതാരീ
ചെന്നിറപ്പുലർവാനം?
======================
29-4-2014
======================




Posted by dr.kgbalakrishnan kandangath at 15: 59

by dr.k.g.balakrishnan kandangath

Other poems of KANDANGATH (402)

Comments (0)

There is no comment submitted by members.